اسباب حاله vapor tongue و عدم تمييز الطعم و طرق لعلاجها

فجاه كل حاجه من غير طعم ، كل الليكود طعمه مش باين ..
متقلقش ده مش مرض و مش هيفضل كتير و علاجه سهل جداً و مش هيستمر فتره طويله ان شاء الله .

حاله اسمها vapor tongue و كل حد بيفيب ممكن يواجهه الحاله دي
بكل بساطه دي حاله ارهاق للسان او براعم التذوق معدش قادره تمييز الطعم ، الحاله دي ممكن تظهر فجاه و ممكن تكون بشكل تدريجي فتلاقي الطعم بيختفي شويه لحد مايروح .

في ناس فضلوا سنين يفيبوا و محصلش معاهم حاجه زي كده و ناس بيشربوا من ايام بسيطه و ظهرت الاعراض دي عندهم ، كفايه رغي لحد كده

😅

الاسباب المعروفه لل vapor tongue :

١- التدخين العادي بيموت براعم التذوق عندك و كلنا لاحظنا ان التذوق بقي احسن لما بطلنا سجاير ، لما اللسان يشتغل تاني بيلاقي كم هائل من الاطعم فزي ماتقول كده بيهنج و بيرفض يتعرف عن طعم معين او كل الاطعم

٢- ادوار البرد او الحساسيه : زي ماحاسه الشم بتتاثر بالبرد بردو حساسيه اللسان بتتاثر.

٣- نقص الميه : بتفيب يعني لازم ميه كتير .. المكونات بتاعت الليكود و خصوصا البروبلين بيمتص الميه الموجوده في اللسان و ينشف لسانك و يتكون طبقه تمنع لسانك من التذوق .

٤- بتشرب ليكود بنكهه معينه و مبتغيرهاش .. انا مقدر انك حابب الليكود ده و مش عايز تغيره بس ده بيخلي لسانك يتعود علي الطعم و يتشبع بيه زي بالظبط لما تشم ريحه اكل اول ماتخش المطبخ و بعدين تتعود علي الريحه لحد ماتفقد الاحساس بيها .

العلاج بقي :
- ميه كتير ، ميه كتير ، ميه كتير
- تمشيط اللسان بفرشه سنان ( في فرش معموله لكده ) و معجون سنان براحه
- المضمضه بكبايه ماء ساخن ( ممكن تحط عليه معلقه ملح او لمونه )
- شرب قهوه قويه ( ساده كده حاجه تفوق اللسان )
- شويه طحينه علي اللسان و سبهم شويه حلوين و بعدين اتمضمض
- قوم اشرب ميه يا حبيبي و ارجع كمل البوست