الفيب .. توفير ولا ادمان !

في حجات كده موجوده في الفيب خلينا متفقين ان هيا تبزير ملوش لزمه ..

الفيب في الاساس ماشيه في اتجاه انها بديل اوفر و اقل ضرراً من السجاير ف مينفعش احنا نزود فيها لدرجه انها تكون مبلغ و قدره بيدفع شهرياً علشان اشرب نفسين !

😏

زي مثلا انك تجيب اكتر من مود مع ان وظيفه المود اصلا بكل بساطه انو ياخد من البطاريه و يدي للتانك باور يشغلوا يعني لو انت مش شايف مشاكل فيه مفيش حاجه لمود تاني
و مشكله البطاريه - اذا كانت عندك اصلا - ممكن تحلها بانك تجيب بطاريتين ذياده و يبقي معاك ٢ في المودو ٢ علي الشاحن و لو انت تنين مش هتخلصهم ف يومك 

👍

حاجه تانيه بردو انك تشرب بريميوم طول الوقت .. البريميوم حلو جدا و حاجه فوق الوصف بس الكلام ده لو احنا بره مصر و بنجيبوا بسعر حلو مقارنه مع مستوي المعيشه
" مفيش مانع من ازازه كده تاخد منها تانك كل يوم ترفه عن
نفسك " 😂😂
الحل هنا بقي انك تجيب مصري - و ده مش تطبيل بس عامل السعر بيفرق - او تعمل لنفسك و ساعتها هتاخد جوده حلوه و انت المتحكم فيها بسعر لطيف جداً

التانكات بردو ضحك علي الدقون
يعني انت لو معاك تانك و دريبر يا عم الفيبور هتتأثر ؟ مش هتعرف تكمل يومك ؟
يبقي مالهاش لزمه السبعين الف تانك اللي معاك و انت اصلا هتستخدم واحد بس 

👊

نوصل بقي لاهم جزء الكويل ماستر اللعين .. بالله عليك فصصلي كده الحجات اللي بتيجي فيه ! ( قصافه و بنسه صغيره و مفكين ( الين كي ) و تويزر و مقص و لفه سلك) و دي الحجات اللي فيه فعلاً

الحتتين بقي المهمين الكويل ماستر نفسوا و ده انت ممكن تعمل واحد نفس الفكره و مش مكلف خالص و ناس كتير شرحت ده و ممكن تعمل الكويل علي مفك او اي حاجه تديك شكل الكويل اللي انت عايزوا .

القطعه التانيه التستر اللي انت بتعمل بيه الكويل .. بتركب فيه الديك بتاعت التانك و تشتغل عليه و يقرالك المقاومه و بعدها تعمل فاير منو و تشوف الدنيا ماشيه ازاي 

بس يا باشا دي انا اقولك انها ميزه لما يكون معاك ميكانيكال و ده الحاجه اللي هتعرفك المقاومه كام و تزبط الكويل ب سيفتي اكتر غير كده انت مش محتاج الكويل ماستر في حاجه

الكلام اللي فوق ده كولو وجهه نظر شخصيه ممكن تبقي متفقه او مختلفه معاك
و في حجات تانيه كتير بس مينفعش نتكلم اكتر من كده هنزهقكوا